يا متعب القلب قلي ويـش غلطاتـي ,,
...........................ان كنت انا اقدر اعدلهـا .. بعدلهـا ’’
لاصرت تجهل عناء الدنيا .. وضيقاتي ,,
............................من دون ماشرح لك اوضاعي تأملها ’’
الوقت ضدي .. حرمني من ملذاتـي ,,
...........................والصد بعدك ذبح روحي .. وكملهـا ’’
لا .. لايغرك كثير الصمت .. وسكاتي ,,
.............................خل المشاعر تقول ( الآآآآه ) وإسألها ’’
يسكني الحب .. واضح من عباراتـي ,,
..........................وش عاد لجلـك حروفـي لـو أدللها ’’
عذبني الشـوق واسرفـت بخيالاتـي ,,
..........................روح ٍ تحبك دخيلك ليـش .. تهملهـا ’’
ياليتك إشوي تشعـر فـي معاناتـي ,,
............................دنياك يمكن عليك تضيـق باكملهـا ’’
الحزن كنه سفيـري فـي علاقاتـي ,,
............................والهم خيّم على حالـي .. وطولهـا ’’
اغديت دربي وتاهت فيـك خطواتـي ,,
........................كل المواعيد مـدري ليـش تجهلهـا ’’
سنين احاول وضاعت كـل حيلاتـي ,,
.........................ماتدري اني ( حياة الـذّل ) مقبلهـا ’’
لاجيتك أسال وادوّر فيـك ضحكاتـي ,,
........................كنك تعمد بيديـك اليـوم .. تقتلهـا ’’
لا تتـرك الظـن يلعـب باحتمالاتـي ,,
...........................الكلمه اللي تحزّ بخاطـرك .. قلهـا ’’
تعال شفني وحـس بحـال لوعاتـي ,,
...........................كن الدقايق بدونـك عـام مطولهـا ’’
متى التباشير بقدوم ( الغـلا ) تاتـي ,,
..........................فرحة زماني بشوفـك مـا تخيلهـا ’’
خلاص صبري تعـدى كـل هقواتـي ,,
.........................اتعبت نفسي ( اعزيهـا .. وعللها ) ’’
ابيك تنسى وتدمـح كـل ( زلاتـي) ,,
...........................بعض البشر صعب مانقـدر نزعلهـا ’’
والحين جيتك ابمسح كـل غلطاتـي ,,
..............................دنيـاي دونـك وربـي ماتحملـهـا ’’
موضوع: يا متعب القلب 
